Сұрақтар мен жауаптар
-
Өткен іс-шаралардан фотосуреттерді қайдан көруге болады?
Өткен іс-шаралардың фото мұрағаты flickr.
-
Бейджді қайдан және қалай алуға болады?
Бейджді қарашаның 15 және 16 күндері Достық даңғылы, 56-үй мекенжайындағы Республика сарайы алаңында ашылатын арнайы тіркеу аумағынан алуға болады. Бейджді алу үшін қағазға басып шығарылған билетіңізді немесе смартфон экранынан көрсету қажет.
-
Конференцияның видеожазбалары қанша уақыт бойы қолжетімді болады?
Барлық сессиялардың 3 тілдегі жазбалары edcrunch.online платформасында қатысушылардың барлығы үшін 1 жыл бойы ашық болады.
-
Конференция аяқталғаннан кейін оның кадрларына қалай қол жеткізуге болады?
2021 және 2022 конференцияларының бейнежазбаларын сілтеме< / a>.
-
Тіркеу, билетті рәсімдеу және промокодБұл бейнеде сіз тіркелуді, билетті рәсімдеуді және сайттағы промокодты қалай пайдалануға болатындығын біле аласыз
-
Жол, трансфер, қонақүйге орналасу тегін билетке кіре ме?
Жоқ. Егер қатысушы басқа қаладан келетін болса, оның жолақысы мен тұру ақысын қатысушының өзі немесе жұмыс берушісі төлейді.
-
Банк картасы арқылы қалай төлеу керек?
1-қадам. Қажетті билеттерді сайттағы себетке салып, әр билет бойынша келетін адам туралы толық мәліметтерді толтырыңыз. Егер промокодыңыз болса, жеңілдік алу үшін оны қолданыңыз.
2-қадам. Келісімшарт-оферта шарттарын қабылдап, «Жалғастыру» батырмасын басыңыз.
3-қадам. Төлем жасаушы туралы мәліметтерді жазыңыз, төлем жасау, төлемдер қауіпсіздігі және ақпараттың құпиялылығы ережелерімен танысыңыз да, «Картамен төлеу» батырмасын басыңыз.
4-қадам. Ақша түскен соң, төлем жасаушы туралы мәліметтерде көрсетілген поштаға билет пен чек жіберіледі. Ал, қатысушылардың электрондық пошталарына edcrunch.online платформасына кіру үшін қажет ақпарат жіберіледі.Поштаңызға хат келгеніне көз жеткізіңіз. Егер хат 10 минут ішінде келмесе, сайттың оң жағындағы төменгі бұрышында тұрған көмек көрсету чатына немесе helpdesk@educrunch.org поштасына жазыңыз.
Бірнеше билет сатып алатын болсаңыз, барлық қатысушылар туралы мәліметтерді қатесіз толтырыңыз:
- Олардың аты-жөндері электрондық билеттерге, сертификаттар мен онлайн-платформа қатысушыларының профиліне дәл сол күйі жазылады.
- Электрондық пошталары edcrunch.online платформасындағы жеке кабинетіне кіру үшін логин ретінде қолданылады.
-
Заңды тұлға қалай төлем жасайды?
1-қадам. Қажетті билеттерді сайттағы себетке салып, әр билет бойынша келетін адам туралы толық мәліметтерді толтырыңыз. Егер промокодыңыз болса, жеңілдік алу үшін оны қолданыңыз.
2-қадам. Келісімшарт-оферта шарттарын қабылдап, «Жалғастыру» батырмасын басыңыз.
3-қадам. Төлем жасаушы туралы мәліметтерді жазыңыз, төлем жасау, төлемдер қауіпсіздігі және ақпараттың құпиялылығы ережелерімен танысыңыз да, «Картамен төлеу» батырмасын басыңыз.
4-қадам. Төлем жасайтын заңды тұлға туралы мәліметтерді толтырып, «Жіберу» батырмасын басыңыз. Төлем жасаушының поштасына төлемақы шоты жіберіледі.
5-қадам. Төлем жасаған соң, поштаңызға билетіңіз, edcrunch.online платформасындағы жеке кабинетіңізге кіруге қажет ақпарат пен барлық жабу құжаттары жіберіледі.
Бұл нұсқаны ресейлік және қазақстандық заңды тұлғалар қолдана алады.
Заңды тұлғалар келісімшарт бойынша да төлем жасай алады:
1 қадам. Ұйымыңыздың реквизиттерін, таңдаған тарифіңіз бен қажетті билеттер саны туралы мәліметтерді Info@educrunch.org поштасына жіберіңіз.
2 қадам. Ұйымыңыздың келісімшарт жасаудағы ерекшеліктерін жазыңыз немесе келісімшарттың мақұлданған шаблонын жіберіңіз.
3 қадам. Келісімшарт мақұлданып, қол қойылған соң, біз сізге төлем жасау шотын жолдаймыз.
4 қадам. Төлем жасаған соң, поштаңызға билетіңіз бен edcrunch.online платформасындағы жеке кабинетіңізге кіруге қажет ақпарат пен барлық жабу құжаттары жіберіледі.
Бұл нұсқаны ресейлік және қазақстандық заңды тұлғалар қолдана алады. -
Төлем жасалмай жатса, не істеуге болады?
Төлем жасау кезінде қате шығуы мүмкін, егер:
- Банк картасының мәліметтері қате терілген болса;
- Картаңыздағы қаражат жеткіліксіз болса.
Мәліметтердің барлығын тексеріп, тағы төлем жасап көріңіз. Егер қате қайталанса, өз банкіңізге жүгініңіз немесе helpdesk@educrunch.org поштасына жазыңыз.
-
Сатып алынған билетті қайдан табамыз?
Біз билетіңіз бен оның төленгені жөніндегі чекті төлем жасалған соң бірден электрондық поштаңызға жібереміз. Билетті edcrunch.online платформасындағы жеке кабинетіңіздегі «Менің билеттерім» бөлімінен де тауып, жүктеп алуға болады.
-
Қатысушы сертификатын қалай алуға болады?
Қатысушы сертификаты конференция аяқталған соң, edcrunch.online платформасындағы жеке кабинетіңіздің «Менің сертификаттарым» бөлімінде 2 апта бойы сақталады. Сертификатты PDF форматында жүктеп алуға болады. Сертификатта сіз туралы мәліметтер қатесіз болуы үшін, жеке кабинеттегі профильді толтырыңыз.
-
Конференцияның онлайн-платформасына қалай кіруге болады?
Конференция сайтындағы «Кіру» батырмасын басыңыз, ол оң жақтағы жоғарғы бұрышында орналасқан. Басқан кезде платформаға кірә терезесі ашылады. Билет сатып алған кезде поштаңызға жіберілген логин мен кілтсөзді теріңіз.
Егер аккаунтыңыз болмаса, келесі әрекеттерді жасау керек:
- Билетті рәсімдеу: қолайлы тариф бойынша сатып алу немесе мемлекеттік білім беру ұйымдарының өкілдеріне арналған квота бойынша тегін алу.
- Содан кейін поштаңызға платформаға кіру үшін қажетті мәліметтер жіберіледі.
-
Егер конференцияның онлайн-платформасына кіруге қажет мәліметтерді алмасам немесе ұмытып қалсам, не істеуге болады?
Төмендегі амалдардың бірін жасап көріңіз:
- Билет сатып алынған кезде біз көрсетілген электрондық поштаға жүйеге кіруге қажетті логин мен кілтсөзді жібереміз. Сондықтан пошта жәшігіңіздің «Спам» папкасын тексеріп көріңіз немесе hello@edca.kz поштасынан келген хаттардың бәрін іздеу жүйесі арқылы тауып алыңыз.
- Авторизацияға арналған формада «Кілтсөзді қалпына келтіру» функциясын қолданыңыз. Ол үшін конференция сайтына кіріңіз, оң жағындағы жоғарғы бұрышында тұрған «Кіру» батырмасын басып, «Кілсөзді қалпына келтіру» батырмасын таңдаңыз. Кейін нұсқаулық бойынша әрекет етіңіз. Көрсетілген электрондық поштаға кілтсөзді қалпына келтіру сілтемесі жіберіледі. Егер хат келмесе, бұл жағдайда да «Спам» папкасын тексеріп көріңіз немесе helpdesk@educrunch.org поштасынан келген хаттардың бәрін іздеу жүйесі арқылы тауып алыңыз.
Егер жоғарыдағы амалдар нәтижесіз болса, сайттағы онлайн-кеңесші көмегіне жүгініңіз немесе +7 (495) 374-57-55 немесе +7 (701) 345-75-98 телефон нөмірлеріне хабарласыңыз, helpdesk@educrunch.org поштасына хат жазуға да болады.
-
«Менің профилім» деген не?
Ол – сіздің онлайн-платформадағы жеке парақшаңыз. Әлеуметтік желілер секілді, онда суреттер, қызығушылықтарыңыз, хаттар мен мәліметтер жазылады.
-
Нетворкинг деген не?
Ол – таныстарыңыздың қатарын арттырып, әріптестеріңізбен маңызды мәселелерді талқылайтын, серіктестер табатын ортақ чат. Мұндай таныстықтар арқасында сіз пайдалы байланыстар орнатасыз, өзекті мәселелердің шешімін тауып, болашақта бірлесіп жоба жасауыңыз да мүмкін.
Онлайн-платформаның бұл бөлімінде келесі ақпарат көрсетіледі:
- Конференцияның барлық қатысушылары. Сіз өзіңізді қызықтыратын адамдардың жекесіне хат жазып, барлық қатысушыларды статусы, қызығушылықтар саласы секілді негізгі сөздер арқылы сүзгіден өткізе аласыз;
- Таңдаулы қатысушылар — сіз таңдаулылар тізіміне қосқан қолданушылар;
- Сізге ұсынылған қатысушылар — сізге қызықты болуы мүмкін қолданушылардың тізімі, оларды қатысушылардың профильдеріне сараптама жасау арқылы платформа алгоритмі іріктеп алады.
- Ортақ чат виджеті пайдалы таныстар тауып, конференцияны, сөз сөйлегендерді және басқа да тақырыптарды талқылауға арналған.
-
Конференция платформасында бір жыл бойы не істеуге болады?
Біз барлық іс-шараларды видеоформатта сақтап қоямыз, олар бір жыл бойы платформада ашық болады. Қатысушыға осы аралықта нетфоркинг те қолжетімді болады, конференцияға және EdCrunch-тың басқа да жобаларына қатысу тарихы сақталып тұрады. Оған қоса, платформада алдағы уақытта өтетін іс-шаралар туралы хабарланып тұрады.
-
Серіктестік орнату үшін кімге хабарласу керек?
Демеушілік пен серіктестік жөнінде мына поштаға жазыңыз — partners@educrunch.org
Ақпараттық серіктестік жөнінде — partners@educrunch.org
Басқа мәселелер бойынша — Info@educrunch.org
-
Қай жерде орналасуға болады ?
Алматы Отельдері
Rixos Almaty ★★★★★
Тәулігіне 140 000 теңге
Конференция болатын жерден 3 километр қашықтықта орналасқанБайланыс телефондары:
+7 (727) 300 33 00Веб сайт
Мекен-жайы: Сәкен Сейфуллин даңғылы, 506/99Royal Tulip ★★★★★
Тәулігіне 140 000 теңге
Конференция болатын жерден 5 километр қашықтықта орналасқанБайланыс телефондары:
+7 (727) 300 01 00Веб сайт
Мекен-жайы: Керей-Жәнібек Хандар көшесі, 401/2Grand Sapphire ★★★★
Тәулігіне 30 000 теңге
Конференция болатын жерден 1,5 километр қашықтықта орналасқанБайланыс телефондары:
+7 (707) 105 00 37
+7 (727) 349 35 55Веб сайт
Мекен-жайы: Достық даңғылы, 32Renion Park Hotel ★★★★
Тәулігіне 30 000 теңге
Конференция болатын жерден 2,5 километр қашықтықта орналасқанБайланыс телефондары:
+7 (727) 313 10 12
Веб сайт
Мекен-жайы: Қонаев көшесі, 66Resident Hotel Kazybek Bi ★★★★
Тәулігіне 50 000 теңге
Конференция болатын жерден 3 километр қашықтықта орналасқанБайланыс телефондары:
+7(777)715 88 55
Instagram
Мекен-жайы: Желтоқсан көшесі, 89Holiday Inn Almaty ★★★
Тәулігіне 60 000 теңге
Конференция болатын жерден 5 километр қашықтықта орналасқанБайланыс телефондары:
+7 (727) 244 02 55Веб сайт
Мекен-жайы: Тимирязев көшесі, 2дSadu Hotel ★★★
Тәулігіне 45 000 теңге
Конференция болатын жерден 7 километр қашықтықта орналасқанБайланыс телефондары:
+7 (727) 313 12 57
+7 (701) 710 94 49Instagram
Мекен-жайы: Әл-Фараби даңғылы, 128/7Renion Residence ★★★★
Апарт-отель
Тәулігіне 60 000 теңге
Конференция болатын жерден 2,5 километр қашықтықта орналасқанБайланыс телефондары:
+7 (707) 810 90 17
+7 (727) 291 82 44Веб сайт
Мекен-жайы: Қайырбеков көшесі, 42Almaty ★★★
Тәулігіне 27 000 теңге
Конференция болатын жерден 3 километр қашықтықта орналасқанБайланыс телефондары:
+7 (727) 272 00 70
+7 (727) 272 00 47
+7 (701) 428 62 85Instagram
Веб сайт
Мекен - жайы: Қабанбай батыр көшесі, 85А&G Hotel
Апарт-отель
Тәулігіне 18 000 теңге
Конференция болатын жерден 4 километр қашықтықта орналасқанБайланыс телефондары:
+7 (747) 199 58 23
+7 (778) 508 35 77
+7 (727) 308 07 57 -
Қай жерде тамақтануға болады?
LUKUM – заманауи шығыс тағамдарының мейрамханасы.
Мекен-жайы: Абай даңғылы, 17Афиша - ерекше тағамдар әзірлейтін, авторлық кухнясы бар мейрамхана.
Мекен-жайы: Қабанбай батыр көшесі, 83MÖTE – Алматының қақ ортасында орналасқан, жоғары деңгейде қызмет көрсететін жағымды атмосферасы, дәмді тағамы бар жайлы орын.
Мекен-жайы: Достық даңғылы, 50Дареджани – заманауи грузин тағамдарының мейрамханасы.
Мекен-жайы: Құрманғазы көшесі, 11Noodles - азиялық, түрік және еуропалық тағамдарды ұсынатын мейрамхана. «Қазақстан» қонақ үйінің ғимаратында орналасқан.
Мекен-жайы: Достық даңғылы, 52/2Starbucks – танымал кофехана желісі. «Қазақстан» қонақ үйіне қарама-қарсы орналасқан.
Мекен-жайы: Александр Пушкин көшесі, 118Ziyafet Meat House – «Қазақстан» қонақ үйінің ғимаратында орналасқан мейрамхана.
Мекен-жайы: Достық даңғылы, 52/2Navat шәйханасы – шығыс мәдениеті мен заманауи асхана дәстүрлерін біріктірген мейрамхана.
Мекен-жайы: Достық даңғылы, 48Nedelka – жағымды интерьер, қолжетімді бағадағы, қала орталығында орналасқан кафе. Қазіргі алматылық жастардың сүйікті орны.
Мекен-жайы: Шевченко көшесі, 18Цех – Алматының қақ ортасында орналасқан танымал мейрамхана.
Мекен-жайы: Достық даңғылы, 48/1Dickens – ерекше дәмді стейк пен жағымды ортасы қалыптасқан бар.
Мекен-жайы: Достық даңғылы, 46Lucky You – заманауи Азия тағамдарын ұсынатын мейрамхана.
Мекен-жайы: Достық даңғылы, 71Qaimaq - үлкен террасасы, бағы, арықтары мен субұрқақтары бар, дәстүрлі қазақ, ұйғыр, өзбек тағамдарының мейрамханасы.
Мекен-жайы: Абай даңғылы, 46а -
Демалыс орындары
Горький атындағы Орталық мәдениет және демалыс саябағы
Алматыда Горький атындағы саябақ сонау 1856 жылы пайда болған. Алғашында бұл жай ғана ағаштар мен сәндік өсімдіктер өсетін аймақ болды, кейін 1934 жылдан бастап, алғашқы аттракциондар пайда бола бастады. Қазір бұл жасыл аллеялары, көшеде тағамдар сататын арнайы дүңгіршектері, үйректер жүзетін тоғаны, карусельдер және балаларға арналған басқа да аттракциондары бар классикалық үлгідегі қалалық демалыс саябағы.
28 гвардияшыл-панфиловшылар атындағы саябақ
Саябақ көк базардан 10 минуттық жерде орналасқан. Горький саябағы сияқты, Алматыда сонау 19 ғасырда пайда болған. Қазір балалы отбасылар серуендейтін үлкен жасыл аймақ.
Қазақтың халық музыка аспаптары мұражайы
Мұражай 28 гвардияшыл-панфиловшылар атындағы саябақ қоршауының дәл артында орналасқан. Онда Қазақстан, Азия, Еуропа және Африка елдері халықтарының аспаптары қойылған. Залдардың бірі толығымен қазақтың көне ішекті сазды аспабы қобызға арналған болса, енді бірі – жергілікті шеберлер мен олардың қолдан жасаған бұйымдарына арналған. Әр бөлмеде сол жерде қойылған аспаптарда орындалатын музыка ойнап тұр.
Көктөбе
Тауға апаратын арнайы аспалы жол бар. Оның төменгі станциясы Достық даңғылы, 104Б мекен-жайында орналасқан. Ол 28 гвардияшыл-панфиловшылар атындағы саябақтан басталады. Бір адамға аспалы жолдың құны – 3000 теңге. Төменгі және жоғарғы станциялар арасындағы айырмашылық биіктігі 250 метр, ұзындығы 1,5 шақырым. Кабина таудың басына алты минутта жетеді және осы уақыт ішінде сіз қаланы жоғарыдан қарап, тамашалауға уақыт табасыз. Қараша айында ағаштар жапырақсыз болғанымен, қалада қаншама ағаштың өсіп тұрғанын көруге болады.
Қазақстан Республикасының Орталық мемлекеттік мұражайы
Мұражай экспозициясы Қазақстан тарихының ежелгі дәуірден бастап, әр түрлі кезеңдерін түгел баяндайды. Бірінші қабаттағы залда мамонттың және басқа да жойылып кеткен жануарлардың қаңқасының фрагменттері, құмыра, ежелгі адамдардың басқа да тұрмыстық заттары қойылған.
Республика алаңы
Алаң 1980 жылы Алматының бас алаңы ретінде ашылды және жаппай мерекелік шерулер, әскери шерулер мен халықтың көпшілік демалатын орнына айналды. Тәуелсіздік монументі – алаңның басты көрікті орны.
Ботаникалық бақ
Алматы ботаникалық бағы – қала тұрғындарының ең көп баратын сүйікті демалыс орындарының бірі. Мұнда құстардың үнін тыңдап, табиғаттың сұлулығы мен әсемдігіне тәнті боласыз, алаңсыз демалуға, тереңнен саф ауамен тыныс алуға болады. Әл-Фараби мен Тимирязев сияқты қаланың шулы тұсынан небәрі бірнеше жүз метр жерде алысырақ орналасқан бұл аймақ шынымен де, қай жағынан әлдеқайда таза көрінеді. Оңтүстік мегаполистің орталығындағы жұмақтың бір бөлігі.
Шымбұлақ
Теңіз деңгейінен 3200 метр биіктікте орналасқан Шымбұлақ тау шаңғы шипажайы өзінің орналасқан жері бойынша бірегей. ТМД бойынша ең биік тауда орналасқан барда кофе ішу үшін, бар болғаны 1 сағатта Алматының орталығынан аспалы жолмен жетуге болады. Бір адамға құны 2500 теңгені құрайды.
Медеу Медеу
Әлемдегі ең биік мұз айдыны «Медеу» кешені Алматы қаласының шекарасында, теңіз деңгейінен 1691 метр биіктікте орналасқан. Іле Алатауы шыңдарының әсем көрінісі, таза ауасы, жайлы күнін тамашалау үшін, әртүрлі кәсіп иесі, кез келген жастағы алматылықтар осында уақытын өткізгенді ұнатады. Медеуге таксимен, №12 автобуспен де жетуге болады. Автобус аялдамасы Алматы 2 вокзалында орналасқан.
«Көшпенділер қалашығы»
Шынайы декорация. Бұл орын әуелде 2005 жылы жарыққа шыққан «Көшпенділер» фильмінің түсірілім алаңы ретінде салынды. Бірақ айнала қоршаған пейзажға қарап, бір-бірімен үйлескен ортаның әдемілігіне таң қаларыңыз анық. Қазір бұл қаланы «Көшпенділер қорғаны» деп те атайды. Жыл сайын мыңдаған туристер Іле өзенінің жағасында орналасқан бұл нысанға ағылады.
TAU – TAU GLAMPING
Тау-Тас глэмпингі – Аюсай маңына жақын орналасқан таудағы үйшіктер орталығы. Мұнда сіз ақпараттық детокс жасай аласыз: сарқырамаға серуендеп, от жағып, айналасына кешкі жиындар өткізе аласыз. Таулар мен қалың ағаш қоршаған тыныштықта алаңсыз демала аласыз. Сондай-ақ, көз тарталық үш бағыттың бірімен жаяу серуендеуге болады: Жапон жолы, «Мың көз» соқпағы және Аюсай біріншісі сарқырамасы.
MENIN HOUSE
Menin House глэмпингі —Көктөбе шағын ауданында орналасқан. Бұл жерден сіз Алматы қаласының панорамалық көрінісін тамашалай аласыз. Төрт күмбезді жеке террассалары бар. Күмбезді саунасын жалға алуға болады. Әрбір күмбезде тоңазытқыш, шәйнек, микротолқынды пеш, душы бар жуынатын бөлме, гигиеналық құралдар, ыдыс-аяқ және теледидармен жабдықталған.
«Алтын Тай» спорттық ат клубы
«Алтын тай» спорттық ат клубы. «Алтын тай» спорттық ат клубы Бутаков шатқалында, қала орталығынан 20 минуттық жерде орналасқан. Клуб аумағында 68 жылқысы бар, 8 ат қора орналасқан.
-
Тегін қатысуға квотасын кім ала алады?Мемлекеттік білім беру ұйымдарының өкілдеріне квота бөлінген.
-
Квотаны қалай алуға болады?
EdCrunch 2023 конференциясына квота алу үшін келесідей талаптарды орындап, қажетті құжаттарды ұсыну қажет:
1) Қажетті құжаттарды ұсыныңыз:
Соңғы 3 ай ішінде мемлекеттік оқу орнында жұмыс істегеніңіз туралы анықтама алыңыз. Бұл құжатты сізге жұмыс жасайтын мекемеңіздің кадр бөлімі бере алады.
Құжатта келесі ақпараттардың бар екеніне көз жеткізіңіз:
• Ұйымның толық атауы.
• Құжаттың толық атауы (мысалы, «Жұмыс орны туралы анықтама).
• Тіркеу номері (болған жағдайда).
• Құжаттың толтырылған мерзімі.
• Ұйымдағы жұмыс орныңыз туралы ақпарат (лауазымы, жұмыс кезеңі).
• Ұйым басшысының қолы.
• Мөрі.
2) Құжатты жүктеңіз:
Құжатты қабылдап, тексергеннен кейін, оны EdCrunch 2023 конференциясының тіркеу жүйесіне жүктеу керек.Конференция веб-сайтының билеттер бөлімінде осы құжатты тіркеуге болатын форма бар.
3) Тіркеуді аяқтау:
Құжатты сәтті жүктеп болғаннан кейін, конференцияға тіркеу процесін аяқтаңыз. Әдетте, бұл барлық қажетті жеке деректерді толтырып, билетті таңдап, іс-шараларға қатысу үлгісін анықтаумен нақтыланады.
4) Растауды күтіңіз:
Тіркеу аяқталғаннан кейін конференцияны ұйымдастырушылардан хабар күтіңіз. Олар қатысу квотасын растау үшін сізбен байланысады.
Орын санының шектеулі болуына байланысты, өтінішті мақұлдау бірнеше күннен бірнеше аптаға дейінгі аралықта созылуы мүмкін. Осыған байланысты конференция басшылығы үміткерлерді қолмен таңдайды. -
Квота алу мүмкіндігін қалай арттыруға болады?
Конференцияға қатысу жоспарларыңызды Facebook, Instagram, Вконтакте және Одноклассники сияқты әлеуметтік желілерде жариялай аласыз.
Оны қалай жасауға болады:
Жариялайтын материалыңызды дайындап алыңыз:
• EdCrunch X конференциясына қатысқандағы алатын әсеріңіз бен мотивацияңыз туралы арнайы пост жазыңыз. Бұл конференцияға қатысу сізбен, сіздің кәсіби өрлеуіңіз үшін неліктен маңызды екенін ерекше атап көрсетіңіз.
Әлеуметтік желілерде жазба жасаңыз:
• Facebook, Instagram, Vkontakte немесе Одноклассники сияқты әлеуметтік желілерге кіріңіз.
• Өз профиліңізде немесе парақшаңызда жаңадан жазба жариялаңыз
Ақпаратпен бөлісіңіз:
• Өз жазбаңызда EdCrunch 2023-ке қатысуды жоспарлап отырғаныңызды және де алдыңызға қандай мақсаттар қойғаныңызды көрсетіңіз.
• Постыңызды көрнекі болу үшін, конференцияға қатысты хэштегтерді белгілеп өтіңіз.
Жазбаңызға сілтемені тіркеңіз:
• Жазбаңыз жарияланғаннан кейін, оның URL-н (веб-адрес) көшіріп алыңыз, осылайша оны конференцияға қатысу өтінішіне тіркей аласыз.
Өтінімді жарияланымға сілтеме арқылы толтырыңыз:
• EdCrunch 2023 қосымшасын толтырған кезде, әлеуметтік желідегі жазбаңызға сілтеме қосатын жолақты табыңыз.
• Жарияланымның бұрынғы сілтемесін қажетті орнына белгілеп қойыңыз.
Бұл қосымша әрекеттер сізге квота алу мүмкіндігін арттыруға көмектеседі, өйткені конференцияны ұйымдастырушылар әлеуметтік желідегі жазбалары бар өтінімдерді міндетті түрде қарайды. Постыңыз іс-шараға қатысуға деген шынайы мотивацияңыз бен қызығушылығыңызды көрсететініне көз жеткізіңіз.
-
Қалай Edcrunch X командасының мүшесі болуға болады?
Білім төңкерісін бізге бірге жасаңыз! EdCrunch X де білім беру көшбасшыларына волонтер ретінде қосылыңыз!
! Сізді білім берудегі цифрлық технологиялар туралы көптен күткен конференцияға өзіңіздің құнды үлесіңізді қосуға және волонтер болуға шақырамыз!
EdCrunch бұл бүкіл дүние жүзіндегі инноваторлар, ғалымдар, педагогтар мен кәсіпқой мамандардың өзара пікір алмасатын, жаңа білім беру тәжірибесін бірге жасайтын және өзгерістерді шындыққа айналдыратын орын.
Неліктен EdCrunch X-те ерікті болу керек? :
• Тарихты бірге жасауға шақырамыз
Сіз цифрлық технологиялар білім берудің болашағын қалай өзгертетіні туралы айтатын кәсіби мамандардың бір бөлігі боласыз. Олар ақпаратты қолжетімді, қызықты, әрі заманауи үлгіде жеткізеді.
• Таптырмас тәжірибе
Бұл ақпаратты сіз өз түйіндемеңізде көрсете аласыз. Сіз көптеген жаңа идеяларды үйреніп, білім саласының көшбасшыларымен танысасыз, жаңа достар тауып, қызметіңізге шабыт сыйлайтын ортада жұмыс жасайтын боласыз.
• Білім саласының нағыз көшбасшыларымен танысатын боласыз
Сіз қызықты адамдармен: кәсіпкерлермен, ғалымдармен, блогерлермен және суретшілермен танысып, ұзақ та, мәнді байланыстар орнатасыз.
• Шараға қол жеткізу
Волонтерлік тапсырмалардан бос уақытыңызда сіз спикерлерді тыңдау үшін конференция сессиялары мен іс-шараларға қатыса аласыз.
• Болашаққа жоспар
Сіздің бұл іс-шараға қатысымыңыз конференцияны одан да сәтті, ұйымдасқан, үйлесімді және қызықты етуге көмектеседі.
EdCrunch X-ке волонтер ретінде араласып, еліміздегі білім беру саласының болашағына өз үлесіңізді қосыңыз!
Біздің команданың бір бөлшегі болуға дайынсыз ба?
Өтінішті толтырыңыз және де осы білім жолындағы ізденісте бізбен бірге болыңыз!
