Назипа Аюбаева

Кембридж университетінде (Ұлыбритания, 2017 ж.) PhD дәрежесін алды, Кембридж университетінде философия магистрі дәрежесін қорғады (Ұлыбритания, 2012 ж.), Бангалор университетінде маркетинг және ақпараттық жүйелер саласында MBA дәрежесін алды (Үндістан, 2003 ж.) ).

Өзінің кәсіби мансабын Тараз қаласындағы жалпы білім беретін мектепте ағылшын тілінің оқытушысы ретінде бастаған, сондай-ақ Бішкектегі «Шығыстану және мәдениет институты» мен «Манас халықаралық университетінде» дәріс берген (1997-2000).

TACIS жобалар аясында адами ресурстарын дамыту бойынша тренер ретінде қатысып, Еуропалық комиссияның Орталық Азия аймақтық, Американдық халықаралық даму агенттігі мен Дүниежүзілік сауда институтының (2003-2008 жж.) жобаларына қатынасты. Одан кейін «ҚР Үкіметі мен ҚР Ұлттық банкі жанындағы Ұлттық талдау орталығы» акционерлік қоғамының жобаларын басқарды.

2009 жылдан 2019 жылға дейін «Назарбаев Зияткерлік мектептері» (НЗМ) дербес білім беру ұйымы төрағасының орынбасары ретінде «20 Назарбаев Зияткерлік мектептерінің даму стратегиясын» әзірлеу мен іске асыруға басшылық етті, халықаралық әріптестермен ынтымақтастық бағдарламаларын үйлестірді. Оның басшылығымен НЗМ зерттеу стратегиясы әзірленді және енгізілді, сондай-ақ НЗМ оқу бағдарламаларының реформалары жүзеге асырылды, мұғалімдерді іріктеу, кәсіби дамыту және бағалаудың пилоттық жүйесі енгізілді.

Назипа Аюпова ЭЫДҰ-ның «Білім беру-2030» жобасын үйлестіруге белсенді қатысты (2017-2018). Ол «Назарбаев Университетінің әлеуметтік даму қоры» қамқоршылық кеңесінің және «Назарбаев Зияткерлік мектептері түлектері қауымдастығы» Консультативтік кеңесінің мүшесі болып табылады.

Др. Аюбаеваның ғылыми қызығушылықтары орта білім беруді реформалау стратегиясы, педагогтарды даярлау және кәсіби дамыту мәселелерін қамтиды. 2019 жылғы зерттеу жобасында мектепте оқытуды реформалау және Қазақстанның жалпы білім беретін мектептерінде білім берудің жаңартылған мазмұнын іске асыру мәселелері зерттелген.