Балаға әлемді тануға тыйым салу мүмкін емес. Ата-ана міндеті — оның тап болуы мүмкін қауіпті жағдайлар туралы түсінігін қалыптастырып, әртүрлі жағдайларда қауіпсіз әрекет ету дағдыларын меңгерту. Бүгінгі балалар — диджитал-дәуірдің алғашқы ұрпағы, олар туғанынан ақпарат тым көп ортада өмір сүріп жатыр. Бұл балалардың миы ақпарат ағымының шапшаң ырғағына оңай бейімделеді. Пікірталас сарапшылары бұл ағымда балаларға жеке шекарасын, оның ішінде, цифрлық, тұлғалық және эмоциялық шекараларын белгілеп, қорғауды қалай үйрету керек деген сұраққа жауап іздейді.