Пандемия баршамызға сабақ болды. Ең бастысы, білім беру жүйесі локдаундар мен карантиндер кезінде оқу үдерісінің сапасын нашарлатпай, технологияларды қажетті көлемде қолдануға дайын болмай шықты. Оқушылар біресе тапсырмалардың бәрін өз беттерінше меңгеріп, орындауы тиіс болды, біресе бәрін Zoom арқылы жасау қажет болды, нәтижесінде қашықтан оқыту жүзбе-жүз форматының орнын баса алмады. Барлығы бірдей қиындықтарға тап болды: мұғалімдерге артылатын жауапкершілік бірнеше есе өсті, олар жаңадан туындаған жағдайға дайын болмады, қашықтан оқытуға арналған контентті жасау мен пайдаланудағы кемшіліктер, цифрлық әдістемелерді үйреншікті форматта қолдану және оқу үдерісінің сапасын қадағалауда олқылықтар көп болды. Бұл жағдайлардың шешімі ретінде көбісі HyFlex-ке — жоғарыда аталып өткен мәселелердің орнын толтыра алатын оқытудың гибридті форматына назар аудара бастады. HyFlex жүзбе-жүз және қашықтан оқу форматтарының артықшылықтарын сақтай отырып, білім беру жүйесіндегі сапаның артуын қамтамасыз ете алады. Тыңдаушылар гибридті құралдарды енгізу үшін оқыту әдістемесінде нені өзгерту керектігін және қандай бағдарламалық-техникалық шешімдерді қарастыруға болатынын біледі.