Біз тек дені сау, білімді, мәдениетті адамдарды ғана емес, онымен қоса бақытты жандарды тәрбиелеуге тырысамыз. Олардың өмір сүруге және дамуға құлшынысы болуы керек, өзгелермен тіл табыса білуі қажет, достасып, ойнауды, көш бастап, бағынуды да білуі тиіс. Білім алу балаларлың тұлғалық өсуінде аса маңызды рөл атқарады. Алайда қазір әлем сәт сайын өзгеріп жатыр, технологиялық жаңалықтар бірінен соң бірі жасалуда. Есею үрдісінің тепе-теңдігін сақтап, басымдықтарды қалыптастыру үшін, айналадағы құбылыстарды саралап, адам өзіне сенуді үйренгені маңызды. Бұл жағдайда балаларға нені және қалай үйрету керектігін, ата-аналарға қай нәрсеге сүйеніп, өздерін қалай ұстау қажет екенін талқылаймыз.