Компаниялар оқытуды жоспарлауда көлемді деректерді басқару тақырыбына енді қызығушылық таныта бастады. L&D технологиялардың басым бөлігі сарапшылық бағалау және шолуға негізделген. Алайда біз негізгі құзыреттерді анықтауда қателік жіберсек, қызметкерлердің бойынан да қате қасиеттер іздеп, бұрыс даму бағдарламаларын ұсынамыз, сәйкесінше нәтижесі де көңілімізден шықпайды. Әр компанияның өз қызметкерлері туралы ауқымды көлемдегі деректері бар, оларға сүйене отырып, болжау модельдерін құрастыруға, жұмыста кімнің және неліктен табысты болатынын талдауға болады. Бұл бағытта қай компаниялар дамып үлгерді, қай мәліметтер және қандай мақсатта жинақталады, олардың қайсысын оқыту үшін пайдалануға болады және компаниялар Big Data-ның коммерциялық тәсілдерін ішкі персоналына неліктен қолданбайды, — сессияда осы тақырыптарды талқылаймыз.