Жасанды интеллект пен нейротехнологиялар өмірдің барлық саласындағы қызметтерді жақсарту үшін қолданылып, жұмыспен қамтылу құрылымын өзгертеді. Цифрлық трансформация адам мен адамның әрекеттесуі, балаларды оқыту секілді дәстүрлі салаларға да еніп жатыр. Жаңа технологиялар мен олардың мүмкіндіктерінің білім беруді жетілдірудегі рөлін, онымен байланысты тәуекелдер мен өзгерістерді талқыға саламыз. Мұғалім беретін ауызша оқу тесттерінен математика бойынша бейімделген нұсқаулықтарға дейінгі ақпараттық технологиялардың мүмкіндіктері сыныпта да, одан тыс да өте көп. Нейротехнологиялар нақты когнитивті диагностика жасауға мүмкіндік береді, оқу мен ойындағы мінез-құлық схемаларын болжайды, зейін мен кұйзеліске төзімділікті дамытуға да үлес қосады. Технологиялардың арқасында оқушылар сапалы жеке білім ала алады. Бұған ұстаздар мен ата-аналардың қаншалықты дайын екенін, олардың бұл құралдарды сауатты қолдануына қалай көмектесуге болатынын бірге талқылаймыз.